इनरुवा–सुनसरीको रामधुनीभासी ५ स्थित झुम्का बजारमा शुक्रबार बसको ठक्करबाट साइकलमा सवार एक महिलाको मृत्यु भएको छ ।
मृत्यु हुनेमा सुनसरी इटहरी उप–महानगरपालिका १६ बस्ने २३ बर्षिय प्रतिमा चौधरी रहेकी छिन् ।
उनलाई पश्चिमबाट पूर्वतर्फ आउँदै गरेको ना ४ ख ७३९४ नम्बरको बसले ठक्कर दिएको थियो । ठक्करबाट गम्भिर घाइते भएकी चौधरीको जिल्ला अस्पताल इनरुवामा उपचारको क्रममा मृत्यु भएको जिल्ला प्रहरी कार्यालय सुनसरीले जनाएको छ ।
ठक्कर दिने बसका चालकलाई इलाक प्रहरी कार्यालय पकलीले नियन्त्रणमा लिएको छ ।
यो खबर पढेर तपाईलाई कस्तो महसुस भयो ?
