पाल्पा असार । पाल्पाको रामपुरमा नेकपा एमालेका कार्यकर्ताले मतदातालाई बाड्न लैजादै गरेको चामलका बोरा सहितको गाडी प्रहरीले नियन्त्रणमा लिएको छ ।
एमालेको झण्डा बाँधिएको एमाले नेता राजन पोख्रेललको ना ५ ख ५७९९ नं.को गाडीमा झण्डै १५ बोरा चामल, वियर, नुन, तेल लगायतका खाद्य तथा पेय पर्दाथ रामपुर नगरपालिकाको वडा नं. ४ मा पर्ने सिताकुण्डमा लैजादै गर्दा नियन्त्रणमा लिइएको हो ।
एमालेका तर्फबाट रामपुरको उपमेयरकी उम्मेदबार दुर्गा रानाका श्रीमान् टिकाराम रानाले बसपार्कमा रहेको पसलबाट अर्डर गरेर ती सामानहरु लगिएको प्रारम्भीक अनुसन्धनबाट पत्ता लागेको छ ।
गाडीमा एमालेको बडा नं. चारका उम्मेदबार सहितका केही कार्यकर्ताहरु पनि रहेका थिए । उनीहरु सहित गाडी र खाद्य तथा पेय पदार्थलाई तरुण दलका नगर सभापति शंकर खाँणको टोलीले गाँमडाडा भन्ने ठाँउबाट नियन्त्रणमा लिएर प्रहरीलाई बुझाएको हो ।
इलाका प्रहरी कार्यालय रामपुरले गाडी सहितका सामानहरु आफ्नो नियन्त्रणमा रहेको र अनुसन्धान भईरहेको जनाएको छ ।
नगरपालिकाका कार्यकारी प्रमुख सुरथ पोखरेलले कार्यकर्ताहरु गएको गाडी र सामानहरु बाड्न लगिएको थियो की व्यक्तिगत प्रयोजनका लागि लगिएको थियो भन्ने बारेमा अनुसन्धनन भईरहेको बताउनु भयो ।
तर गाडीमा एमालेका कार्यकर्ता भएको, एमालेको झण्डा बाधेको, उपमेयरका उम्मेदबारको श्रीमान्ले सामान अडर गरेको लगायतका कारणले ती सामानहरु एमालेले वितरणकै लागि लगेको खाँणको दावी छ ।
गाडीमा भएका सामानहरु मध्य विल भएका भन्दा नभएका सामानहरु धेरै भएकाले पनि शंका गर्ने आधार भने रहेको कार्यकारी प्रमुख पोखरेलले जानकारी दिनुभयो ।
रामपुर नगरपालिकामा मेयरका लागि एमालेका तर्फबाट राजु श्रेष्ठ उम्मेदबारीले उम्मेदबारी दिनु भएको छ भने काँग्रेसका तर्फबाट रमण थापा चुनावी मैदानमा हुनुहुन्छ ।
यसैगरी रामपुरकै वडा नं. १० मा मादक पदार्थ सहितको भोजभतेर भईरहेका बेला अनुगमनका लागि गएका गाँउलेहरुलाई एमाले कार्यकर्ताहरुले खुकुरी प्रहारगरी घाइते बनाएका छन् ।
पाल्पाको रामपुर नगरपालिका वडा नं. १० मा पर्ने कुमाल गाँउमा मतदाताहरुलाई प्रभावित पार्नेगरी केही दिनदेखि भईरहेको भोजभतेर बारे जानकारी लिन जाँदा एमाले कार्यकर्ताहरुले खुकुरी प्रहार गरेका हुन् ।
शनिबार राती १० बजेतिर एमालेका स्थानीय कार्यकर्ताहरु गोविन्द श्रेष्ठ, दिपेन्द्र श्रेष्ठ, सोनबहादुर कुमाल लगायतका कार्यकर्ताहरुले स्थानीय श्रीकृष्ण भण्डारीलाई खुकुरी प्रहार गरेको स्थानीय बासिन्दाले जानकारी दिएका छन् ।
आक्रमण गर्नेवित्तिकै भण्डारीले खुकुरी खोसेपछि उनीहरु भागेको र अहिले सम्म पनि सम्पर्कमा नरहेको स्थानीयले बताएका छन् ।
घाइते भण्डारीको शरिरमा सामान्य चोट लागेको छ । उहाँ अहिले उपचार र प्रहरीमा उजुरी दिन रामपुर बजार पुग्नु भएको छ । केही बर्ष बैदेशिक रोजगारीमा गएर गाँउ फर्किएका भण्डारी अहिले गाँउमै विभिन्न व्यवसाय गर्दै आउनु भएको छ ।
साविकको गेझा गाविस अहिलेको रामपुर नगरपालिका बडा नं. १०मा यसअघि एमालेले जितेको भएपनि गाँउको अवस्था जस्ताको तस्तै भएपछि अहिले पराजित हुनेभएपनि एमाले आत्तिएको छ ।
मतदातालाई प्रभावित पार्न एमाले कार्यकर्ताहरुले अनेक लोभ देखाउने, भ्रममा पार्ने र धम्की दिने गरिरहेको स्थानीय बासिन्दाले बताएका छन् ।
लामो समयदेखि दलित र जनजातीहरुसँग नजिक रहेर सामाजिक सेवा गर्दै आउनु भएका काँग्रेसका वडा अध्यक्षका उम्मेदबार एकराज पाठक अन्य उम्मेदबारहरु भन्दा लोकप्रिय मानिनुहुन्छ ।
यो खबर पढेर तपाईलाई कस्तो महसुस भयो ?
