एजेन्सी । जी-२० मा अफ्रिकी संघ (अफ्रिकी युनियन) पनि सदस्य बनेको छ ।
भारतको राजधानी नयाँदिल्लीमा जारी जी-२० शिखर सम्मेलनमा भारतीय प्रधानमन्त्री नरेन्द्र मोदीले अफ्रिकी संघलाई समूहको स्थायी सदस्यका रूपमा स्वागत गरेका हुन् ।
भारतीय विदेशमन्त्री एस जयशंकरले अफ्रिकी संघका अध्यक्षसमेत रहेका कोमोरोसका राष्ट्रपति अजाली असौमानिलाई जी-२० ब्लकमा स्वागत गरे ।
यसअघि जी-२० मा १९ मुलुक र युरोपेली संघ थियो । जी २० को पछिल्लो सदस्य युरोपेली संघ थियो । अब अफ्रिकी संघसमेत सहभागी भएपछि जी-२० को सदस्यमा १९ राष्ट्र दुई महादेशीय संघ रहेका छन् ।
यसअघि जी-२० मा अर्जेन्टिना, अस्ट्रेलिया, ब्राजिल, चीन, फ्रान्स, जर्मनी, भारत, इन्डोनेसिया, जापान, कोरिया, मेक्सिको, रुस, साउदी अरब, दक्षिण अफ्रिका, टर्किए, बेलायत, अमेरिका र युरोपेली संघ थिए ।
यो खबर पढेर तपाईलाई कस्तो महसुस भयो ?
