काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेको आजको बयान सकिएको छ ।
जिल्ला सरकारी वकिल कार्यालय काठमाडौंमा आज ६ घण्टाभन्दा बढी बयान गराइएको हो ।
लामिछानेलाई बयानका लागि बिहान साढे ९ बजे सरकारी वकिल कार्यालय लगिएको थियो।
दिउँसो साढे तीन बजे सभापति लामिछानेलाई जिल्ला प्रहरी परिसर काठमाडौंको हिरासतमा फर्काइएको छ।
स्वर्णलक्ष्मी सहकारीको रकम अपचलनको अनुसन्धानका लागि लामिछानेलाई बिहीबार साँझ काठमाडौं ल्याइएको थियो ।
कास्की जिल्ला प्रहरी कार्यालयको हिरासतमा रहेका लामिछानेलाई भैरहवा लगेर पनि बयान लिइएको छ ।
२ कात्तिकमा प्रहरीले पक्राउ गरेक लामिछानेलाई हालसम्म ५ पटक अनुसन्धानका लागि म्याद थपेको छ ।
आज बयान नसकिएपछि उनलाई अब आइतबार पुनः सरकारी वकिल कार्यालयमा लगिने छ।
यो खबर पढेर तपाईलाई कस्तो महसुस भयो ?
1
1
