लोकेन्द्र यादब

राजविराज । सप्तरी क्षेत्र नम्बर–४ मा निवर्तमान सांसद तथा पूर्वमन्त्री तेजुलाल चौधरीलाई विरासत जोगाउन मुस्किल हुने भएको छ । लगातार ३ पटक निर्वाचित भएका नेपाली काँग्रेसका नेता समेत रहेका चौधरीलाई यसपटक नेकपा एमालेका पूर्व सांसद गंगा प्रसाद चौधरीले टक्करदिने भएका छन । जातिय समिकरण मिलाएर पटकपटक निर्वाचित हुदै आएका तेजुलाललाई यसपटक जित हासिल गर्न मुस्किल छ ।
नेकपा एमालेका गंगा प्रसाद चौधरीले आफ्नो पार्टीको बलियो समर्थन र ठाउँमा रहेका जातीय संरचनाहरूलाई आधारमा चुनावमा उत्रन तयारी अवस्थामा छन्। ।
स्थानीय राजनीतिक विश्लेषकहरूका अनुसार, गंगा प्रसादको उम्मेदवारीले क्षेत्रको जातीय समीकरणमा परिवर्तन ल्याउने सम्भावना छ । गंगा प्रसाद चौधरीको उम्मेदवारीले यहाँको सत्तारूढ दललाई चुनौती दिन सक्छ । उनीसँग आफ्नै समुदायको व्यापक समर्थन छ ।
तेजुलालले आफ्नो टिम र समर्थकहरूलाई पुनः संगठित गरिरहेका छन, तर यो चुनौतीपूर्ण साबित भइरहेको छ ।
सामाजिक सञ्जालमा पनि यो विषयमा चासो बढेको छ । स्थानीय युवाहरू सक्रियताका साथ गंगा प्रसादलाई समर्थन गरिरहेका छन् भने, पुराना समर्थकहरू भने तेजुलालको पक्षमा उभिएका छन्। । हामीलाई परिवर्तन चाहिएको छ, एक युवाले भने,गंगा प्रसाद हाम्रो समुदायका लागि नयाँ दृष्टिकोण र समृद्धिको प्रतीक हुन्। ।
दुवै जना चुनावी मैदानमा उत्रिने भएपछि सप्तरी क्षेत्र नम्बर –४ मा चुनावी प्रतिस्पर्धा अझ थप रोचक र तातो बनाएको छ ।
निर्वाचनको मिति नजिकिँदै गर्दा तेजुलाल र गंगा प्रसाद बीचको प्रतिस्पर्धा राजनीतिक प्रबृती मात्र होइन, स्थानीय समुदायका लागि पनि भविष्यको दिशा निर्धारण गर्ने क्रम हुनेछ । सप्तरी क्षेत्र नम्बर ४ मा आगामी चुनावी राजनीतिक दृष्टिकोण र जातीय समीकरणको महत्त्वलाई उजागर गर्ने अवसर बन्न सक्छ । यता नेपाली काँग्रेसबाट युवा नेता किरण भगत पनि उम्मेरवार हुनको लागि प्रयास थालिएको छ । किरण भगत उम्मेवार भएपछि भगत र गंगा प्रसाद चौधरी वीच कडा प्रतिस्पर्धा हुन्छ ।नेपाली काँग्रेसका सप्तरीले क्षेत्र नम्बर ४ का लागि पूर्व सांसद सुरेन्द्र प्रसाद यादबको नाम पनि सिफारिस गरेको छ ।
यद्यपी नेकपा कम्युनिस्ट पार्टी (एमाले) ले सप्तरी क्षेत्र नम्बर ४ बाट पूर्व सांसद गंगा प्रसाद चौधरी सहित तीन जनाको नाम अगामी फागुन २१ गते हुने प्रतिनिधिसभा निर्वाचनका लागि सिफारिस गरेका छन्। ।
पूर्व सांसद चौधरी विसं.२०५१ सालको मध्यावधि चुनावमा तत्कालीन सप्तरी क्षेत्र नम्बर –५ बाट नेकपा (माक्र्सवादी, लेनिनवादी) बाट निर्वाचित भएको थियो ।