काठमाडौं । काठमाडौंका विभिन्न स्थानमा बागमती नदी किनारामा बस्दै आएका सुकुमबासीले घर खाली गर्न थालेका छन्।
सरकारले काठमाडौंको थापाथलीस्थित रहेका सुकुमबासीहरुलाई हटाउने तयारी गरेसँगै त्यहाँ बस्दै आएका सुकुमबासीहरुले ठाउँ सार्न थालेका हुन् ।
बिहीबार साँझ प्रहरीले माइकिङ गरेर ठाउँ खाली गर्न भनेको थियो ।
शनिबारसम्म बस्ती खाली गरिने र अटेर गर्नेका संरचना भत्काइने, त्यसबाट हुने व्यक्तिगत सम्पत्तिको क्षतिका लागि आफैँ जिम्मेवार हुनुपर्ने चेतावनी दिइएको थियो।
शुक्रबार बिहानैबाट बागमती किनार, मनोहरा किनार लगायत क्षेत्रमा बस्दै आएका सुकुमबासीहरुले आफ्नो सामान प्याक गरिरहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया दिनुहोस् !
संबन्धित खबर
