गाविस सचिबसंग २० ट्याकटर माटो माग
राजविराज–सप्तरीको जमुनी मधेपुरा गाविस स्थित वडा नम्बर ७ र ८ छपकी का युवाहरुले बाटो निर्माण कामलाई मंगलबार पनि निरन्तरता दिएको छ ।
पम्पनहर देखि छपकी टोल सम्मको बाटो जिर्ण भएर चारपांग्रे सवारी साधन चल्न नसक्ने भएपछि स्थानिय युवाहरुले सोमबार देखि आफैले बाटो निर्माण गर्न थालेको हो । उनीहरुले बाटो बनाउनुका साथै बाटोको छेउमा भएका रुख हाँगा समेत कटान गरेका छन् ।
गत असार महिना देखि पम्पनहर देखि उत्तर करिब १ किलोमिटरको बाटोमा साईकल समेत आबत जाबत गर्नमा समस्या भएको र कुनै आर्थिक सहयोग आउने आश नदेखेपछि हामीहरुले आफ्नै श्रमदानबाट बाटो निर्माण गर्न थालेको निवर्तमान वडा अध्यक्ष चौठी मण्डलले बताए । अतिआवश्य परेको बेला एम्बुलेन्स सम्म नआउने अवस्थामा सडक पुगिसकेको भएपनि कुनै निकायले चासो नलिएको मंडलको गुनासो छ ।
कहिं कत्तैबाट कुनै सहयोग आउने आशा नदेखिएपछि युवाहरुलाई कोदालो, कुल्हारी तथा खुकुरी लिएर सडक निर्माण तथा सडक किनारमा रहेको रुख झारपातहरु सफागर्न भनेपछि उनीहरु जोश जाँगरका साथ यो काममा लागेको स्थानिय रामरतन यादव यादव बताउँछन् ।
हामीहरुले प्रयास गरेर यति सम्मको काम गरिरहेका छौं अब कम्तिमा २० ट्याकटर माटो गाविसबाट सहयोग प्राप्त भए सडक अझै राम्रो बन्ने स्थानिय भगवती प्रसाद साहको भनाई छ ।
गाविस सचिबसंग २० ट्याकटर माटो उपलब्ध गराउन माग गर्दै साहले भने “गाउँका युवाहरु श्रमदान गरेर यति सम्म गरेका छन् तर माटो अझै चाहिन्छ, गाविसबाट अलिकति सहयोग भए बाहिरबाट माटो ल्याएर पुर्नुपर्ने काम हुन्छ र सडक राम्रो बनिहाल्छ ।”
