अनिल कुमार इसर
राजविराज । सप्तरी प्रहरीले जिल्लाको गाविस लालापट्टीबाट प्रहरीले नेपालबाट भारत तर्फ अवैध रुपमा लगिदै गरिएको एक मोटरसाइकल सहित भारतीय एक जनालाई नियन्त्रणमा लिएको छ ।
भारतको जिल्ला सुपौल–३ वस्ने ३५ वर्षिय भुपेन्द्र कामैतले पि बि–११३२७०४२ नम्बरको मोटरसाइकलमा टाइटेनिक नाम गरेको मदिरा ४८ बोटल नेपालबाट भारत तर्फ लादै गरेको अवस्थामा इलाका प्रहरी कार्यालय सखडाबाट खटिएको प्रहरी टोलीले लालापट्टी–३ स्थित चौकबाट नियन्त्रणमा लिएको जिल्ला प्रहरी कार्यालय सप्तरीले जनाएको छ ।
नियन्त्रणमा लिइएको मदिरा मोटरसाइकल तथा मानिस समेतलाई शुक्रबारै गाविस तिलाठी–८ स्थित राजविराज भन्सार कार्यालयमा आवश्यक कारवाहीको लागि बुझाइएको छ ।
प्रहरीको प्रतिवेदनमा विगो रकम ४२ हजार ४ सय उल्लेख रहेको हुँदा उक्त विगो बमोजिमको रकम धरौटी बुझाउन नसकेको हुँदा कामैतलाई प्रहरी चौकी तिलाठीमा राखिएको भन्सार कार्यालयका सूचना अधिकारी वसन्त दासले बताए ।
