राजविराज  । पूर्व पश्चिम राजमार्ग अन्तर्गत सप्तरीको रुपनी सडक खण्डमा शुक्रबार बस र म्याजिक जुध्दा एक ६० वर्षिय बृद्धको मृत्यु भएको छ भने झण्डै दश जना घाइते भएका छन् ।
राजविराजबाट कंचनपुर जाँदै गरेको को.१ज. १६५२ नम्बरको म्याजिकलाई बिराटनगरबाट सिरहा आउँदै गरेको ना. ५ख. नम्बरको बसले ठक्कर दिँदा म्याजिकमा सवार नाम ठेगाना नखुलेको उक्त बृद्धको घटना स्थलमै ज्यान गएको छ ।
सोही दुर्घटनामा म्याजिकमा सवार झण्डै १० जना घाइते भएका मध्ये एकको स्थानीय क्लीनिक तथा केहीको सगरमाथा अंचल अस्पताल र गम्भिर घाइते भएकाहरुको अन्यन्त्र उपचार भइरहेको स्थानीयहरुले बताए ।
शवलाई पोष्टमार्टमका लागि गजेन्द्र नारायण सिंह सगरमाथा अंचल अस्पतालमा राखिएको अस्पताल स्रोतले जनाएको छ । म्याजिकको चालक फरार भएपनि बसको चालक, बस र म्याजिक प्रहरी नियन्त्रणमा रहको जिल्ला प्रहरी कार्यालयको प्रवक्ता प्रहरी नायब उपरिक्षक दान बहादुर कार्कीले बताए ।