काठमाडौँ । प्रेस काउन्सिल नेपालले मुलुकको सार्वभौमसत्ता, राष्ट्रिय अखण्डता, राष्ट्रिय एकता र सामाजिक सद्भावविरुद्ध अभियान सञ्चार गर्दै आएका सिके राउतको आपत्तिजनक अभियानलाई प्रोत्साहित र प्रचारप्रसार हुने गरी श्रृङ्खलावद्ध रूपमा समाचार गरेको भन्दै हुलाकीन्यूज डट कमसँग स्पष्टीकरण माग गरेको छ ।
काउन्सिल अध्यक्ष बोर्णबहादुर कार्कीले आज आचारसंहिता कारबाही आदेश जारी गर्दै सो डट कमलाई ३ दिनभित्र स्पष्टीकरण पेश गर्न निर्देशन दिएको छ ।
कारबाही आदेशमा उल्लेख गरिएको छ –‘पेश भएको प्रतिवेदनअनुसार पत्रकार आचारसंहिता २०७३ को दफा ५(१) मा “पत्रकार र संचारमाध्यमले नेपालको सार्वभौमसत्ता, भौलिक अखण्डता, राष्ट्रियता विरुद्ध सामाग्री उत्पादन, प्रकाशन, प्रसारण र वितरण गर्नु हुँदैन” भन्ने व्यवस्था भएकोमा सोको विपरीत हुलाकीन्यूज डट कम (hulakinews.com) ले उपरोक्त समाचार सम्प्रेषण गरी पत्रकार अचारसंहिता उल्लंघन गरेको प्रारम्भिक अनुुसन्धानबाट देखिएको हुँदा यस्ता पत्रकार आचारसंहिता विपरित समाचार सामग्री सम्प्रेषण नगर्नु नगराउनु भनी निर्देशन दिने र आचारसंहिता उल्लंघन गरेकोमा कारबाही किन हुनु नपर्ने हो ३ दिनभित्र जवाफ दिनु भनी स्पष्टिकरण माग गर्ने ।’
अध्यक्ष कार्कीको सो निर्देशनलगत्तै काउन्सिलका सहप्रशासकीय अधिकृत दीपक खनालले आजै हुलाकी डट कमको नाममा पत्राचार गरी ३ दिनभित्र स्पष्टीकरण पेश गर्न माग गरे । ।
यो खबर पढेर तपाईलाई कस्तो महसुस भयो ?
प्रतिक्रिया दिनुहोस् !
संबन्धित खबर
