राजविराज–सप्तरीको कल्याणपुर ३ मा आइतबार दुई मोटरसाइकल एक आपसमा ठोक्किदा ४ जना घाइते भएका छन् ।
पुर्व पश्चिम राजमार्ग स्थित कल्याणपुर ३ मा भे ५ प ५७६८ नम्बर र स ७ प ४४३२ नम्बरको मोटरसाइकल आपसमा ठोक्किदा ४ जना घाईते भएको हो ।
घाईते हुनेहरुमा सप्तरी कुसाहा २ बस्ने सुनिल चौधरी तथा सोही ठाउँकी बिनादेबी चौधरी र डोल्पा जिल्ला दुने २ बस्ने २३ बर्षिय दिपेन्द्र ठकुल्ला, उनका बुबा हर्क बहादुर ठकुल्ला रहेका छन् ।
घाइते चारै जनालाई उपचारको लागी लहान लगिएकोमा हर्क बहादुरलाई थप उपचारकोलागी काठ्माण्डांै पठाइएको इलाका प्रहरी कार्यालय कल्याणपुरले जनाएको छ ।
यस अघि सप्तरीको पन्सेरा ३ अमहामा शनिबार भएको सवारी दुर्घटनामा चारजना घाइते भएका छन् ।
पूर्वबाट पश्चिमतर्फ जादै गरेको बा १ ख ९३१८ नम्बरको ट्रकलाई सोही दिशाबाट आउँदै गरेको मे १ च १३७४ नम्बरको भ्यानले पछाडी बाट ठक्कर दिदा भ्यानका चालक सिन्धुली रानीचुर १ का राकेश लामा र भ्यानमा सवार उदयपुर कटारी ७ हडिया बस्ने ओम भट्टराई घाइते भएको प्रहरीले जनाएको छ ।
यस्तै मोरङको दर्बेशा ४ मा रंजनी आमतोलाबाट बिराटनगरतर्फ आउँदै गरेको को १ ख २१८४ नम्बरको बस अनियन्त्रीत भइ दुर्घटनाट हुँदा बबियाबिर्ता ३ बस्ने सीता बस्नेतको १० बर्षिया छोरा सागर बस्नेत र दर्बेसा ७ बस्ने २० बर्षिया प्रमिला कार्की घाइते भएकी छिन् ।
घाइते दुवैको स्थानिय मेडिकलमा उपचार भइरहेको छ भने बसका चालक फरार रहेकाले खोजी कार्य भइरहेको इलाका प्रहरी कार्यालय रंगेलीले जनाएको छ ।

यस्तै झापाको दुहागढी ४ स्थीत तेलीबारीमा शनिबार अज्ञात सवारी साधनको ठक्करबाट एक महिलाको मृत्यु भएको छ ।
मृत्यु हुनेमा दुहागढी ४ मा डेरागरी बस्ने अन्दाजी २९ बर्षिया निसा राई रहेकी छिन् । उनलाई बेलुका ९ बजेतिर पूर्वबाट पश्चिमतर्फ आउँदै गरेको सवारी साधनले हिड्दै गर्दा ठक्कर दिएको थियो ।
ठक्करबाट गम्भिर घाइते भएकी राईलाई उपचारको लागी विएनसी अस्पताल विर्तामोड लैजाने क्रममा मृत्यु भएको झापा प्रहरीले जनाएको छ ।