विराटनगर–मोरङ्ग प्रहरीले विराटनगर २१ स्थित रानी भन्सार कार्यालयको १ नम्बर ढाट नजिकैबाट लागु औषध सहित एक जनालाई पक्राउ गरेको छ ।
लागुऔषध नियन्त्रण व्युरो विराटनगरबाट खटिएको प्रहरीको टोलीले चेकजाँच गर्ने क्रममा धरान १५ महादेव चोक बस्ने २३ बर्षिय रोमन तामाङलाई लागुऔषध सहित पक्राउ गरेको हो ।
उनको साथबाट डाईजोल्याब ७, लुपिजेसिक ७ पिस र ऐभिल ७ एम्पुल बरामद गरिएको प्रहरीले जनाएको छ । पक्राउ परेका तामाङलाई सिमा प्रहरी चौकी रानीमा राखी थप अनुसन्धान भइरहेको छ ।
यस्तै झापाको मेचीनगरपालिका १० बाट प्रहरीले ४ बोतल कोरेक्स र ५० ग्राम गाँजासहित ३ जनालाई पक्राउ गरेको छ । पक्राउ पर्नेमा सिक्किम गान्टोक बस्ने ३६ बर्षिय प्रताप क्षेत्री, ४० बर्षिय गणेश क्षेत्री, र उक्त सामान लिन आएका झापा शनिश्चरे ५ बस्ने ३७ बर्षिय मधु खड्कालाई पक्राउ गरेको छ ।
इलाका प्रहरी कार्यालय काकडभिट्टाको प्रहरीको टोलीले चेकजाँच गर्ने क्रममा भारतीय नम्बर डब्लु बि ७४ टी ९५६ को मोटसाइकल सहित उनीहरुलाई पक्राउ गरेको हो ।
लागुऔषधहित पक्राउ परेका तीनै जनालाई इलाका प्रहरी कार्यालय काकडभिट्टामा राखी थप अनुसन्धान भइरहेको छ ।
यो खबर पढेर तपाईलाई कस्तो महसुस भयो ?
