राजविराज । नेपाली काँग्रेसका कोषाध्यक्ष एवं शान्ति तथा पूर्ननिर्माण मन्त्री सिता देवी यादवले नेपाली काँग्रेस मधेशको समस्या समाधान नगरे काँग्रेसलाई मधेशमा राजनीतिक गर्ने अधिकार नरहने बताईन ।
नेपाली काँग्रेस नगर कार्यसमितिद्वारा जिल्लाको सदरमुकाम राजविराजमा बिहीबार आयोजना गरिएको दिपावली तथा छठको शुभकामना आदान–प्रदान कार्यक्रममा प्रमुख अतिथिको आसनबाट बोल्दै मधेश काँग्रेसको मुटु रहेको बताउँदै उक्त धारणा राखेकी हुन ।
तसर्थ मधेश समस्या समाधान गर्न नेपाली काँग्रेसले संविधान संशोधन गर्न सर्वसम्मत निर्णय समेत गरी सकेको मन्त्री यादवले बताईन ।
मन्त्री यादवले भनिन ‘संविधान संशोधन गर्नैपर्छ, नगरी हुदैन, वर्तमान सरकार संविधान संशोधन गर्न नै बनेको हो ।’
नेपाली काँग्रेसको नगर सभापति शम्भु लाल देवको अध्यक्षतामा आयोजित सो कार्यक्रममा जिल्लाको विकासको सन्दर्भमा बोल्दै मन्त्री यादवले जिल्लाको विकासको सन्र्दभमा भ्रष्टाचार विकासको प्रमुख बाधक रहेको हँुदा सोको लागि जनवलबाटै लाग्नु पर्ने धारणा व्यक्त गरिन । उनले मुलुकको जल्दो बल्दो लोकमान प्रकरणमा काँग्रेसको संसदीय दलको बैठकबाट निर्णय आउन बाकी रहेको बताउदै अहिलेनै सो सम्बन्धमा केही पनि बोल्नु उचित नहुने बताईन ।
नेपाल विद्यार्थी संघका पूर्व केन्द्रिय सदस्य सकिल आलमद्वारा संचालित कार्यक्रममा शत्रुधन साहले स्वागत मन्तव्य राखेका थिए भने नेपाली काँग्रेसका बरिष्ठ नेता विकेश्वर विमल, पूर्व जिल्ला विकास समिति सभापति बिरवल विराजी, जिल्ला सदस्य निलम कर्ण, नेपाल तरुण दलका जिल्ला सभापति अरुण देव, नेपाल टे«ड युनियन काँग्रेसका जिल्ला अध्यक्ष मनोज मण्डल, नेपाल तरुण दलका पूर्व सदस्य अर्जुन साह, क्षेत्रीय सभापतिहरु क्रमशः ललन गुप्ता, बद्री महात्मान यादव, राम प्रसाद मण्डल, जितेन्द्र यादव, पूर्व क्षेत्रीय सभापति मृतुक चौधरी, भगवती यादव, नेपाल ट्रेड युनियन कृषि मजदुर संघका महासचिव उमेश मिश्र, नेपाली काँग्रेसका रामदेव साह, जिल्ला सचिव रामकुमार यादव, टे«ड युनियन पूर्व केन्द्रिय सदस्य रिता खनाल, सांसद तेजुलाल चौधरी, सकलदेव सुतिहार, जिल्ला सभापति दिनेश यादव लगातकाले आ–आफ्ना धारणा राखेका थिए ।
