राजविराज । नेकपा एमालेको सभास्थल गजेन्द्र नारायण सिंहऔद्योगिक क्षेत्र स्थित प्रहरी र प्रर्दशनकारी बिच सोमवार भएको झडप स्थलबाट हराएको एक युवाका आफ्न्तहरुले खोजी गर्न भौतारिदै छन् ।
गाविस देउँरी भरुवा बस्ने २१ बर्षीय जिवछ यादव सोमवार बेलुकी देखि हाल सम्म घर नफर्केको यादवको दाजु अर्जुन यादवले बताए ।
आफु तथा आफ्ना भाई जिवक्ष समेत मोर्चा कार्यक्रममा सहभागी रहेकोमा बेलुकी ५ बजे पछि आफ्नो भाई सम्पर्क विहिन रहेको दानु अर्जुन बताउछन । अर्जुनले भने आफन्तका तथा भाइका साथीहरुकोमा सबै तिर खोज्दा पनि अतो पतो नरहेको गुनो सुनाए ।
प्रहरी प्रहार गरेको लाठीको चोटबाट सुनिएको हाथ देखाउदै अर्जुन भाव बिह्वल हुदै भाईको खोजीनिती गरिदिन पत्रकार, नागरिक समाज , तथा मानव अधिकार कर्मीहरलाई आग्रह समेत गरेका छन ।