काठमाडौँ । सरकारले संसदमा दर्ता गराएको दोस्रो संशोधन विधेयक प्रस्ताव छलफलका लागि बहुमतले स्वीकृत भएको छ । नेकपा एमालेको विरोधका बावजूद संशोधनमाथि छलफल गरिने प्रस्ताव बहुमतले स्वीकृत भयो ।
व्यवस्थापिका–संसद् बैठकले ‘नेपालको संविधान (दोस्रो संशोधन) विधेयक, २०७३ माथि विचार गरियोस्’ भन्ने प्रस्ताव बहुमतले स्वीकृत गरेको छ हो । संसद्को बुधबारको बैठकमा संशोधन विधेयकमाथि विचार गरियोस् भन्ने प्रस्ताव निर्णयार्थ पेस हुँदा सभामुख ओनसरी घर्तीले बहुमतले स्वीकृत भएको घोषणा गरेकी थिइन् ।
यसअघि संसद् बैठकमा कानुन, न्याय तथा संसदीय मामिलामन्त्री अजय शङ्कर नायकले ‘नेपालको संविधान (दोस्रो संशोधन) विधेयक, २०७३ माथि विचार गरियो’ भन्ने प्रस्ताव प्रस्तुत गरेका थिए । संसद्को अर्काे बैठक वैशाख १७ गते बिहान ११ बजे बस्नेछ ।
