भूतनाथमा रुद्राभिषेक
खेलानन्द दास
राजविराज । राजविराज ७ गुदडीहाट स्थित जय बाबा भूतनाथ महादेव मंदिरमा स्थापित शिवलिंगमा आइतबार रुद्राभिषेक कार्यक्रम सुरु भएको छ । यो कार्यक्रम सोमबार र मंगलबारसम्म जारी रहनेछ । जय बाबा भूतनाथ मंदिरका व्यवस्थापन समितिका अध्यक्ष लक्ष्मण प्रसाद साहले राजविराज नगरको कल्याण तथा मानव कल्याणका लागि रुद्राभिषेक कार्यक्रम आयोजना गरिएको बताउनुभयो । हरेक दिन बिहान ९ बजेदेखि बेलुकी ५ बजेसम्म चल्ने यो कार्यक्रममा सरिक हुन अध्यक्ष साहले आम नगरवासी भक्तजनमा आग्रह गर्नुभएको छ । गंगाजल, गाईको दूध, भष्म, पञ्चामृतद्वारा देवाधिदेव महादेवको अभिषेक गरिने बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया दिनुहोस् !
संबन्धित खबर
