महोत्तरी । महोत्तरीको जलेश्वरबाट जनकपुरतर्फ जाँदै गरेको टेम्पोमाथि रुख खस्दा दुई जनाको मृत्यु भएको छ । आज साँझको हवाहुरीका क्रममा जलेश्वर नगरपालिका–९ परकौलीस्थित सडक छेउको रुख जनकपुरतर्फ जाँदै गरेको टेम्पोमाथि खस्दा २ जनाको मृत्यु भएको जिल्ला प्रहरी कार्यालय महोत्तरीले जनाएकाे छ । दुर्घटनामा अन्य ३ जना घाइते भएका छन् ।
घाइतेहरुलाई उपचारका लागि जनकपुर पठाइएको छ । टेम्पोमा चालकसहित ५ जना सवार रहेको प्रहरीले जनाएको छ । मृतक र घाइतेहरुको पहिचान हुन नसकेको प्रहरीले जनाएकाे छ । नेपाली सेना र प्रहरीले सडकमा खसेको रुख हटाएर सडक सञ्चालनमा ल्याएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
