काठमाडौं । नेपाली कांग्रेसका निवर्तमान सभापति शेरबहादुर देउवा निकट समूहले सुदूरपश्चिम प्रदेशस्तरीय भेला आयोजना गर्ने भएको छ।
देउवाको गृहप्रदेश सुदूरपश्चिममा आगामी १० जेठमा हुने उक्त भेला धनगढीस्थित सौराई स्क्वायरमा आयोजना गरिने जनाइएको छ ।
देउवा समूहले सार्वजनिक गरेको प्रचार सामग्रीमार्फत भेलाको औपचारिक जानकारी दिइएको हो ।
कांग्रेसभित्र आन्तरिक शक्ति सन्तुलन र आगामी महाधिवेशनको तयारी तीव्र भइरहेका बेला देउवा समूहले प्रदेशस्तरीय कार्यक्रमलाई निरन्तरता दिएको हो ।
यसअघि उक्त समूहले निवर्तमान कार्यवाहक सभापति पूर्णबहादुर खड्काको गृहजिल्ला सुर्खेतमा कर्णाली प्रदेशस्तरीय दुई दिने विचार गोष्ठी सम्पन्न गरेको थियो ।
यो खबर पढेर तपाईलाई कस्तो महसुस भयो ?
