एजेन्सी। अमेरिकी विदेशमन्त्री मार्को रुबियो भारत भ्रमणका लागि शनिबार बिहान कोलकाता आइपुगेका छन् ।
भारतका लागि अमेरिकी राजदूत सर्जियो गोरले सामाजिक सञ्जाल प्लेटफर्म एक्समार्फत यो जानकारी दिएका हुन् ।
‘मार्को रुबियो भारत भ्रमणमा छन् । उनी शनिबार कोलकाता आइपुगेका छन्, यो उनको भारतको पहिलो भ्रमण हो । उनले नयाँ दिल्लीमा प्रधानमन्त्री नरेन्द्र मोदीलाई भेट्नेछन् । बैठकमा व्यापार, प्रविधि, रक्षा, क्वाड र अन्य धेरै मुद्दाहरूमा छलफल हुने छ,’ सर्जियो गोरले लेखेका छन् ।
उनले रुबियोले नयाँ दिल्लीमा भारतीय प्रधानमन्त्री नरेन्द्र मोदीसँग भेटवार्ता गर्ने र त्यस क्रममा व्यापार, प्रविधि, रक्षा, क्वाड तथा अन्य महत्वपूर्ण विषयमा छलफल हुने बताएका छन् ।
यो भ्रमणलाई अमेरिका-भारत सम्बन्धलाई थप सुदृढ बनाउने तथा रणनीतिक सहकार्य विस्तार गर्ने उद्देश्यले हेरिएको छ । रुबियोले अमेरिका, भारत, जापान र अस्ट्रेलिया सम्मिलित त्तग्ब्म् को विदेशमन्त्रीस्तरीय बैठकमा पनि सहभागिता जनाउनेछन् ।
मे २६ सम्म भारतमै रहने रुबियोले कोलकाता, आगरा, जयपुर र नयाँ दिल्लीको भ्रमण गर्ने कार्यक्रम छ ।
यसअघि अमेरिकी राष्ट्रपति ट्रम्पले गत हप्ता चीनको राजकीय भ्रमण गरेका थिए । जहाँ उनले केही घोषणा तथा सम्झौता गरेका थिए भने राष्ट्रपति सी चिनफिङबाट प्राप्त स्वागतको प्रशंसा गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया दिनुहोस् !
संबन्धित खबर
