दोश्रो टेस्टमा भारतको खराब शुरुवात

भारत र न्युजीलेण्डबीचको देश्रो टेस्ट म्याच शुक्रबारबाट कोलकत्ताको इडेन गार्डेनमा शुरु भएको छ ।
टस जितेर ब्याटिङ्ग थालेको भारतले खराब शुरुवात गरेको छ । पहिलो दिनको लन्च समय सम्ममा भारतका ३ बल्लेबाज पेभेलियनमा फर्किसकेका छन् ।
भारतका अपनर बल्लेबाज मुरली विजय ९, शिखर धवन १ र कप्तान विराट कोहली ९ रन बनाएर पेभेलियनमा फर्केका हुन् ।
न्युजिलेण्डका तर्फबाट हेनरीले २ र बोल्टले १ विकेट लिएका छन् । भारतको तर्फबाट चेतेश्वर पुजार ३१ बनाएर क्रिजमा छन् भने उनलाई अजिंक्य रहानेले साथ दिई राखेका छन् ।
भारत–न्यूजीलेण्डबीचको ३ टेस्ट म्याच सिरिजमा यस अघि भारतले नागपुरको ग्रीनपार्क स्टेडियममा भएको म्याच जितेर १–० को अग्रता लिएको छ ।