राजविराज–नेपाल विद्युत प्राधिकरण राजविराजले विद्युत चुहाबट नियन्त्रणलाई तिब्रता दिएको छ ।
प्राधिकरणले जिल्ला प्रहरी कार्यालय सप्तरी संग समन्वय गरी जिल्लाको विभिन्न स्थानबाट हुकिङ्ग गरि विद्युत चुहाबट गर्ने व्यक्तिहरुलाई उपकरण सहित पक्राउ गर्ने कामलाई तिब्रता दिएको हो ।
३० भदौ देखि अहिले सम्ममा प्राधिकरणले जिल्लाको विभिन्न स्थानमा छड्के चेक जाँच गरी विद्युत चुहाबट गर्ने दर्जनौं व्यक्तिलाई पानि तान्ने मोटर, तार, पंखा, फ्रिज, डिभीडी जस्ता उपकरण सहित पक्राउ गरी लाखौं रुपियाँ जरीवाना असुल गरिसकेको छ ।
पक्राउ पर्ने प्रति व्यक्रिबाट पहिलो पटका रु पाँच हजार जरीवाना लिएर छोड्ने गरिएको र सोही व्यक्ति अर्को पटक समातिए रु १० हजार जरीवाना लाग्ने नेपाल विद्युत प्राधिकरण राजविराजले जनाएको छ ।
गत बर्ष मधेशमा आन्दोलन भईरहेको बेला विद्युत चुहावट बढेको र अव चुहावट नियन्त्रण अभियानलाई निरन्तरता दिने काम भईरहेको प्राधिकरणका प्रमुख रामउद्गार साहले जानकारी दिए ।
प्राधिकरण प्रमुख साहका अनुसार सप्तरी जिल्लामा ५९ प्रतिशत विद्युत चुहावट भईरहेको छ र अब प्राधिकरणले विद्युत चुहाबट नियन्त्रण गर्ने कामलाई निरन्तर जारी राख्ने छ ।
जिल्लामा चुहावट नियन्त्रणमा कडाई नगर्दा जिल्लाको विभिन्न स्थानहरुमा हुकिङ्ग गरि बत्ती बाल्ने तथा मोटर चलाउनेको संख्या बढ्दै आएको थियो ।
अत्यधिक चुहावटको कारण पनि ओभरलोड ट्रान्सफर्मर जल्ने गरेको र त्यसबाट मिटर लिएका ग्राहकहरु महिनौं अध्यारोमा बस्नुपर्ने बाध्यता छ ।
