सप्तरी । स्थानीय तहको निर्वाचनलाई लक्षित गरी सप्तरी प्रहरीले सुरक्षा सतर्कता अपनाए पछि जिल्लाको बोदेवर्साइन नगरपालिकाबाट हतियारसहित एक जना पक्राउ परेका छन् ।
पक्राउ पर्नेमा सप्तरीको बोदेबरसाईन नगरपालिका १४ का ३० वर्षीय पप्पु यादव रहेको सप्तरीका प्रहरी प्रमुख एसपी अनुराग द्विवेदीले जानकारी दिनुभयो । गस्तीमा रहेको प्रहरीले शंका लागेर जाँच गर्दा यादवको साथवाट मेड इन युएसए लेखिएको पेस्तोल एकथान र सोमा प्रयोग हुने चार राउण्ड गोली बरामद भएको एसपी द्विवेदीले बताउनु भयो । पक्राउ परेका यादवमाथि थप अनुसन्धान भइरहेको छ ।